სულთან დამაკავშირებელი ხიდი

პასუხი: ოლმეკი(გიორგი) - ხშირად მეკითხებიან რა ქნან თუ არ გამოსდით სიყვარულის პრაქტიკა, თუ ვერ აკეთებენ და ა.შ. პირველი რაც ჩანს ამ კითხიდან არის ის, რომ ამ ადამიანებმა სიყვარულის პრაქტიკაზე მოისმინეს ზეპირსიტყვიერი განმარტებანი სადმე იუთუბიზე, ან ვინმეს ლექციაზე. ვინც არ უნდა ისაუბროს სიყვარულის პრაქტიკაზე, მას ეს მოსმენილი აქვს ჩემგან, რადგან ამის სხვა წყარო, ამ პრაქტიკის სახით არ არსებობს. მე თავად ერთი წელი ვსწავლობდი იესოსთან ამ პრაქტიკას და ეს სწავლის პროცესი გადმოვეცი წიგნში "შეხვედრები წმინდანებთან - სიყვარულის პრაქტიკა". ადრე როდესაც თავად მე ვკითხულობდი ლექციებს ვიწრო წრისათვის, სიყვარულის პრაქტიკაზე, მიწევდა იესოსთან ურთიერთობის მოყოლა ყველა ლექციაზე თავიდან ბოლომდე, ამიტომ ლექცია მრავალი საათი გრძელდებოდა. შემდეგ წიგნად ჩამოვაყალიბე ყველაფერი და გამოვეცი. ეს შემთხვევით არ გამიკეთებია, რადგან ის მუხტი რაც თავად იესოსგან მოდის ამ წიგნშია ჩადებული და მკითხველი მას იღებს წიგნიდან. წიგნში მოთხრობილი ჩემი ამბავი, შეხვედრები და სხვა, მკითხველს აყენებს ჩემს როლში, თუნდაც მცირე ხნით, წარმოსახვით, და ეს მოქმედებს მის განმსჭვალვაზე იესოს მიერ გადმოცემული ცოდნის, რწმენის და სიყვარულის მუხტით. ძალიან დიდი განსხვავებაა როდესაც ამ პირველწყაროს ეზიარებით, უღრმავდებით, განიცდით, ეცნობით ამ თერმას და როდესაც, რომელიმე, ჩემი ყოფილი "მოსწავლე", რომელიც ან თვითონ წავიდა და კარი გაიჯახუნა, ან გაუშვი არასათანადო მონდომების და ცხოვრების წესის გამო, იუთუბიდან გასწავლით ამ პრაქტიკას, მაშინ როდესაც თვითონ არ აუთვისებია. სულ რომ ბეჯითი მოსწავლე ყოფილიყო, მისი სიბეჯითე ჯერ მარტო იმაში უნდა ჩანდეს, რომ თავად უთითებდეს ამ სწავლების პირველწყაროს საუბარში, თუ მართლა კარგი უნდა თქვენთვის. ასე რომ, ვინც დაინტერესებულია ამ პრაქტიკით, დაჟინებით გირჩევთ წაიკითხოთ წიგნი "შეხვედრები წმინდანებთან - სიყვარულის პრაქტიკა" და თუ მაინც დარჩა რაიმე რაც გაუგებარია პრაქტიკაში, შემდეგ შეგიძლიათ მომწეროთ და დიდი სიამოვნებით აგიხსნით. სხვაგვარად ყოველი თქვენგანისათვის მომიწევს ჩემი გამოცდილების სათითაოდ მოყოლა, რადგან ორი სიტყვით ის რწმენა, ცოდნა და მუხტი არ მოდის რაც აუცილებელია ამ გზაზე გასავლელად. ამ ცოდნის გარეშე ახალ სამყაროში რომელიც უკვე დგება ძალიან გაგიჭირდებათ. წარმატებები ყველას...