სულთან დამაკავშირებელი ხიდი

დაიბადა 1193 წელს ლევინგენში ნოიბურგის საჰერცოგოში. 1222 წელს ის შევიდა წმინდა დომინიკის ოერდენში. ექვს თვეში მან მიაღწია უფრო მეტს ვიდრე სხვებმა მრავალი წლის მანძილზე. ძალიან მალე ის უკვე ასწავლიდა ორდენის სხვადასხვა სახლში. 1244 წელს მას მიუყვანეს მოსწავლეთ ის, ვინც მოგვიანებით გახდა ცნობილი როგორც თომა აქვინელი. ალბეტს მოეწონა ეს მოსწავლე და იგი თან წაიყვანა პარიზში. თომასაც ძალიან მოსწონდა თავისი მასწავლებელი და გვერდიდან არ შორდებოდა. 1255 წელს ალბერტი გაემგზავრა რომში წმინდა თომასთან ერთად, რათა დახმარებოდა ყველა ორდენს ერთად აღებულს რომელშიც მოღვაწეობდა. გერმანიაში მოგზაურობის შემდეგ მან მიიღო ეპისკოპოსის წოდება, თუმცა საქმეები რომლებიც მის ყურადღებას მოითხოვდნენ როგორც ეპისკოპოსის, ხელს უშლიდა მას ფილოსოფიურ საქმიანობაში, ექსპერიმენტებში და სწავლაში, ჰერმეტიზმი მისგან მოითხოვდა მტელ თავისუფალ დროს, შედეგად მალევე ალბერტ დიდმა დატოვა ეს სასულიერო წოდება 1262 წელს. ამის შემდგომ ის დაბრუნდა ორდენში და გაგრძელა ჰერმეტიზმის სესწავლა, განსაკუთრებით მინერალებისა და მეტალების კუთხით. მან დაწერა - "საიდუმლოთა საიდუმლო წიგნი" სადაც მეტალების ტრანსმუტაცია აღიარა. ეს წიგნი პირველად გამოიცა 1508 წელს. ამ წიგნში ის წერს, რომ მეტალები შედგებიან ძალიან ფაქიზი და ელეური(ბერძნულიდან .Elaia - ზეთი) ტენისაგან, რომელიც მტკიცედაა დაკავშირებული, შეეერთებული სრულყოფილ მატერიასთან(ამ სრულყოფილ მატერიაზე ფართოდ იქნება ჩემს წიგნში "ალქიმია - ოქროს საწმისი"). თავად ეს ფრაზა უკვე გვეუბნება იმის შესახებ რომ ალბერტი იყო ჰერმეტიზმში ჩახედული. წიგნში განხილული აქვს მეტალები მინერალები და ამტკიცებს, რომ შესაძლებელია ვერცხლის ოქროდ გადაქცევა. სავარადოდ თავად მოახერხა. ეს ადამიანი ნამდვილი ვუნდერკინდი იყო, მაშინდელი მეცნიერებისათვის თუმცა ისიც გარემოცული იყო და ფლობდა მხოლოდ ფსევდო წიგნებს. მას უწოდებდნენ ჯადოქარს, თუმცა ეს გაზვიადებული იყო რა თქმა უნდა. მისი მოსწავლე თომა აქვინელი უკეთ წერდა თუმცა ნაკლებ პრაქტიკოსი იყო და ეს ეტყობა მის წიგნებს. მართალია ორივე ავტორი წერდა მეტალების ტრანსმუტაციაზე, ხოლო წმინდა თომა აქვინელი იყო მრავალმხრივ განათლებული, მაგრამ ვერცერთმა ვერ მიიღო ფილოსოფიური ქვა. ალბერტ დიდი გარდაიცვალა 87 წლის ასაკში. ჩვენს გარშემო ბევრია პროფანი, მაგრამ ერთეული თუ მოიძებნება ოსტატი. ასე იყო მაშინაც. პროფანები ცდილობენ თავი გამოიჩინონ, იდგნენ წინა პლანზე, შეკრიბონ ხალხის მასები, გახდნენ ცნობილნი, ცნობადი, მაგრამ მათი წიგნები, საუბარი და ლექციები მხოლოდ პლაგიატია. სწორედ ასეთი ფსევდო წიგნების გამო ვერ მიაღწია საწადელს ბევრმა გამოჩენილმა ადამიანმა. თუმცა აქ მეორე ფაქტორიცაა, ღმერთმა, სულმა უნდა გაგიხსნათ ეს ცოდნა შიგნიდან და აქ უკვე არავითარი ტყუილი და პლაგიატი არ ჭრის.

[right.htm]